恒生銀行昨日下午二時半為小客戶特別舉辦一個水運會，吸引逾四百小朋友參加。八方在現場見到恒生副行政總裁陸觀豪，率領一眾高層落場，認真落力。原來係游泳健將的陸觀豪同八方講，本想參加接力賽，可惜近排唔係好舒服，成嗰禮拜冇游水。佢重話，平時日日都去賽馬會或深灣游泳，五十米直池平均可在四十秒內完成，都算好快。佢咁有經驗，當然要同班小朋友分享吓游水心得。
佢話，最重要是先觀察啲魚點樣游水，記住不要用手同腳游，是用身體游咁話。佢重好有研究咁話「比賽的秘訣，是拍水動作愈少愈好。」
八方昨日發現，陸觀豪唔單止「武」掂，「文」也不錯。話說恒生搞小朋友的戶口，特登作咗首歌叫《鬼馬智多Kid》，由陸氏填詞，好鬼馬風趣。
傳真︰2623-9278
電郵︰