喺今年年底，平治車廠將會為M-Class推出一款名為Inspiration嘅特別版，除裝有不少新配備外，更會以限量形式發售，以吸引車迷注意。
呢款M-ClassInspiration限量特別版，外形雖與現有M-Class相近，但就改換上17吋合金胎軨連275/75R17輪胎、與ML55AMG相似嘅鬼面罩，同埋跟車身顏色相同嘅車頭氣霸，令造型望落更見吸引。至於車廂方面，一雙前座會改為跑車座椅配搭，令乘坐舒適度提升之餘，設備裝飾亦會略作修改，以凸顯其限量特別版嘅身份。同時，廠方亦會新車增設一台全新V6引擎，馬力輸出高達245匹，從而增強性能表現之餘，重被定名為ML350㖭；有興趣嘅車迷，就要密切留意新車嘅推出日期喇。