中秋將至，象徵團圓嘅柚就賣到成行成市，其中一款圓碌碌、嚟自泰國嘅金蜜柚貨源就最多。呢種金柚果肉為紅色，肉質軟滑，汁多清甜，質素相當不俗。尤其是食完月餅，柚肉嘅清甜正好中和甜膩膩嘅月餅，中秋佳節我肥師奶必備佢應節。以我食柚多年，我個人覺得佢比沙田柚更好食，肉甜多汁、皮薄又容易剝。