恭喜晒！恭喜晒！八方恭祝身兼強制性公積金計劃管理局執行董事（執法部）、民安隊副處長（少年事務）嘅李樹榮，獲得民安隊頒發長期服務金章，證明佢已經服務咗民安隊超過二十五年。
李樹榮攞完金章之後同八方講，佢𠵱家做緊嘅民安隊少年事務，成日要好似社工咁，訓練少年隊員嘅紀律，又要同社會上其他可以吸引年輕人嘅嘢競爭，令佢哋自動自覺咁加入民安隊，都好具挑戰性㗎!
做民安隊要一身是勁，八方記得，李樹榮從來唔搭車返放工，日日喺北角嘅屋企同中環辦公室之間，徒步返放工，你話「堅」唔「堅」呢？
佢咁好腳骨力，唔怪得之佢做民安隊，攀山救人都頂得住。
（圖）李樹榮服務民安隊逾二十五年，昨獲頒長期服務金章。
傳真︰2623-9278
電郵︰