小初發覺有隻股仔背後可能另有文章，想同大家一齊研究吓。
目前搞緊債務重組嘅百威國際（718），前一排供股1供1，每股2.2仙，集資2900萬元，但供股比率只得4.8%，包銷商因此要上身。不過，包銷商好快就以原價2.2仙，將上咗身嘅8.347億股，賣咗畀6個獨立第三者。
百威業績唔好，舊年蝕3.2億元，今年亦要蝕9620萬元，唔使債務重組就出奇。今次供股計劃，亦係重組一部份，現時股就供完，但債務重組就要延期至月底。
由於百威債務重組，牽涉發行大量新股還債，即係會增加有好大手貨，喺咁既情況下，仍然有人肯接咗包銷商手貨，事件確係唔簡單。
百威股價上周五微升0.1仙，收2仙，仍低過供股價。該批新股將於本周五開始買賣，究竟要咗貨嘅投資者，係長線睇好，定係諗住炒高散貨？小初真係好想知道，大家亦不妨留意吓。
慕容小初