靚女組合Twins和Cookies昨日分別出席歌迷聚會和慈善活動，大家都有過百名歌迷到場支持，受歡迎程度不相伯仲，而Twins成員蔡卓妍談及《忽然1周》拍攝她在酒店房間留下煙蒂的照片，感覺似被強姦。
人氣組合Twins昨日往九龍灣國際展貿中心，出席「日清合味道TwinsIchiban競投Show」，競投物品有Twins演唱會門票、簽名figure、唱片、Twins在廣告中所穿的服裝及她們的私人珍藏等。現場約有二百多位歌迷競投，當中一位男歌迷最出位，因他自稱食了八百個杯麵，籌足分數參加競投，更一人投得六項物品。
對於新一期《忽然1周》報道指蔡卓妍（阿Sa）在廣州住的酒店內發現有煙蒂，阿Sa對於自己住過的酒店房間被拍攝，她說：「個感覺好似俾人強姦咁，呢本雜誌都冇操守，好令人失望。」在旁的鍾欣桐勞氣地說：「我覺得酒店都有問題，啲阿嬸唔應該俾佢哋影。」
Twins謂經過今次教訓後，她們出外公幹時會自備「垃圾喼」將所有用過的東西帶走，她們說：「包括用過嘅女性用品，乜嘢棉呀，有迹都帶走，費事咁肉酸！」
另外，九人組合Cookies昨日往銅鑼灣，出席仁愛堂的慈善獎券銷售活動，逾百位歌迷一早到場。她們前日與富豪劉鑾雄（大劉）等人同台主持商場開幕禮，大劉特別留意Stephy和Miki，問她們有何感受時，Stephy說：「個個都有同佢（大劉）打招呼啦！我哋幫佢做嘢咋。」而Miki則說：「唔關事，可能啱啱望住呢一邊啫。我第一次見佢，但係就冇時間傾偈。」
採訪：陳梅香、黃連連
攝影：陳烱威、陳偉權