Dunlop2002HKAA香港房車錦標賽2000cc超級生產組，第三及第四回合賽事，於早前假中國珠海國際車場舉行；當日戰況甚為激烈，而本港著名車手李萬祺、陸淦及馬清揚等等都有參加，而成績亦見理想。
在第三回合賽事當中，馬清揚駕駛剛啱抵埗嘅本田CivicEP3戰車，雖未有足夠時間為戰車作出調校，不過在最後一圈時，由於頭車嘅李萬祺及二車嘅蘇華龍競爭過於激烈而雙雙駛離賽道，故此便冷手執個熱煎堆，首嘗冠軍滋味，而李萬祺及蘇華龍則屈居亞軍及第八位；其後蘇華龍於第四回合嘅表現亦未如理想，三甲不入。若要取得出席澳門格蘭披治大賽一席位的話，相信要於本月嘅賽事中，爭取得更好嘅成績才可。
至於李萬祺就憑住佢嘅福特Focus戰車，於四個回合賽事中獲得三冠一亞嘅佳績，如果其他車手希望超越佢嘅話，睇嚟都要花上更多精神同技術才可。