強積金一路畀人嘅印象，都係同「老」、「退休」有關；不過，今年強積金管理局就搞搞新意思，喺○一至○二年嘅年報上，搵嚟七位小朋友畫低佢哋心目中覺得嘅「保障」係乜嘢。小朋友嘅圖畫千奇百怪，佢哋心目中嘅「保障」，包括有超大豬仔錢罌、有五個救生水泡、兩棵大樹、八隻腳嘅櫈、同埋四個降落傘。
當然啦，退休保障咁抽象嘅概念，小朋友又點會明白，更加唔使同佢哋講乜嘢叫強積金。八方覺得，呢啲圖畫係畀大人睇多過畀小朋友睇，但積金局嘅創意就值得一讚，最少令到本年報唔似其他公司嘅咁悶，又有啲清新感覺。
﹙圖﹚強積金年報中收錄嘅小朋友圖畫。
傳真︰2623-9278
電郵︰