港大新校長徐立之曾謂，會盡力為港大爭取各方資源，令港大成為世界一級大學。話口未完，噚日就邀請中總會長陳有慶，及何世柱、霍震寰等四位副會長，加上司庫黃宜宏，參觀港大醫學院及最先進嘅生物科技研究中心，唔知係咪為未來籌募資源鋪路？
徐校長全程非常低調，由負責介紹嘅醫學院同事帶頭，自己殿後，但行到基因研究中心就特別生猛，重開口講笑，話請客人參觀DNA（遺傳基因）最唔着數，因為基因肉眼睇唔到，要特登加啲顏色先睇到。
行完一圈係時候食晏，徐校長都幾有趣，竟然設宴於一間學生平日上堂嘅班房，相信食慣高級餐廳嘅中總會長們，今次別有一番風味。
（圖）徐校長宴客地點，是一間課室。
傳真︰2623-9278
電郵︰