與萬人迷球星碧咸緣慳一面的香港球迷，終於有機會同佢見多幾面；不過「碧咸」喺嚟香港之前，正忙於裝身，例如要人手植髮、裝嵌眼睛、塗上油彩等──呢個就係碧咸──嘅蠟像！
呢個「碧咸」，同倫敦杜莎夫人蠟像館嗰個一模一樣，係第二尊用同一個模倒出嚟嘅「碧咸」，但仍然要製作六個月，成本要港幣三十五萬元；蠟像仍在趕製中，到時一頭蓬鬆金髮嘅「碧咸」會運去太平山頂嘅蠟像館，同「拳王阿里」同埋香港嘅「風之后李麗珊」一齊擺放，今個月十八號揭幕之後，碧咸迷就可以去探佢。
傳真︰2623-9278
電郵︰