合和主席胡應湘近日因為倡議港珠澳大橋而成為大紅人，昨日佢主持克羅地亞駐港領事館開幕，八方都去睇吓。原來領事館設於哥頓的合和中心辦公室內，哥頓就係名譽領事。哥頓話，佢早幾年出席世界銀行會議，當時識咗個鬼佬，後來先知佢來自南斯拉夫，當時南斯拉夫剛解體，佢個朋友實情係克羅地亞人，捉住哥頓話要佢幫手做香港領事，哥頓一口答應。但一搞就幾年，因為要北京批，最近才成事。哥頓形容做名譽領事係義務勞動，因為冇薪酬之餘，重要出地方同職員幫手，但就有個好處，就係「𠵱家唔使怕俾差佬抄牌」。
傳真︰2623-9278
電郵︰