賭王何鴻燊千金何超儀昨日和多位模特兒，一同出席由鑽石諮詢中心舉辦的活動，她獲大會送贈由她親自設計、價值十萬元的鑽石頸鏈，意義重大。超儀說：「收呢條鏈，重勁過爹哋送畀我嘅禮物。」
賭王何鴻燊千金何超儀（Josie）早前為鑽石諮詢中心（DiamondInformationCentre）的「潮流2鑽飾」拍了一輯照片，以十個不同形象示人，Josie更首次設計飾物，昨日Joise往銅鑼灣時代廣場出席「潮流2鑽飾——掀起首飾新革命」活動，大會將她設計的重一卡半、價值十萬元的頸鏈送贈她。
Josie開心地說：「今次開心除咗呢個job酬勞好，又有頸鏈收外，最重要有人畀機會我親自設計飾物，佢哋對我嘅設計滿意，可以話係拉闊咗我嘅演藝事業呀。」
Josie表示今次能參與如此大規模活動，感覺十分受重視，她說：「我今次收呢條鏈，重勁過爹哋送畀我嘅禮物，而且重加強我對設計呢方面嘅興趣。」
問Josie如有機會，下次設計首飾會送給父親或男友？她笑說：「男人老狗戴乜嘢首飾？係都設計畀媽咪（藍瓊纓）先啦。」至於有消息指賭王何鴻燊在渣甸山買下豪宅送給Josie四姊妹，Josie說：「呢樣嘢我唔識答，亦冇意見。」
此外，昨日出席活動的嘉賓包括大律師韓尚志及袁彩雲等人，韓尚志對於李萬祺遭頒令破產一事，表示惋惜，他說：「我係喺啲賽車比賽識佢嘅，佢今次因為七十萬就要破產，其實個數目唔係咁大啫，如果佢有開到聲，我一定義不容辭幫佢，免費打官司又點話呀！」