早陣子，以超值價推廣520iA嘅寶馬代理，繼8月中又再大減20萬預售批735iCEO特別版，兩度賣個滿堂紅之後，亞Mark最近又收到消息，話代理會以約10%嘅折扣率，推售全線3系四門版轎車同330Ci雙門房跑車。咁即係話，𠵱家賣緊30萬8千幾嘅318iA，折實後不過約27萬8千左右，而頂級330iA原價47萬3千，減價後亦不過約42萬5千幾咋！你都咪話唔吸引；據知全線數量不過100部左右，若然你想換車，又或者想買番部咁有型有款嘅3系做座駕的話，就真係唔好錯過機會，行快一步去Showroom落訂喇！