手機下載服務的確一大堆，但揸住部機有時都唔知點落手。倘若你係用緊Nokia手機，家陣只要去到專門店，甚至是指定的零售店，都一樣有專人可以幫你下載各項服務。
Nokia於旗下的至專店及特定商舖設有名為「升級易」的服務站，用家可以利用站內的服務機下載鈴聲、多和鈴聲、圖案及MMS等內容，收費就同平時經ClubNokia下載的一樣，由$5-$25不等；另外，用家更可免費下載MMS/GPRS的設定程式，唔使自己輸入咁麻煩，一Load就得，方便快捷，而最特別的地方是每個服務站都會有Nokia專員，解答手機及有關服務的問題，若然你唔識點Download，亦會教你甚至幫埋你。
記者、攝影：招佩珊
查詢電話：21366338