黃佩霞與友人在中環開辦的高溫瑜伽店，生意甚佳，她近日聲稱投資約七百八十萬元開第二間分店。盧淑儀見老闆娘身材正斗，便跟她學瑜伽喼弗。
黃佩霞與友人合資的高溫瑜伽店PUREYOGA，於本年一月在中環開張，不夠九個月，黃佩霞再於銅鑼灣金朝陽中心開設第二間分店，並聲稱投資約七百八十萬元。盧淑儀亦是黃佩霞瑜伽店的學員，她日前往中環做瑜伽時，黃佩霞即時教了四個難度頗高的瑜伽動作給盧淑儀試做，雖然她做到腳震震，但對於學了瑜伽一個多月的盧淑儀來說，已很不錯。
對於銅鑼灣第二間新店開張，黃佩霞可會考慮為新店找個代言人？她說：「我諗唔會啦，因為瑜伽除咗好細個啲小朋友之外，係適合任何年紀，生意好都係靠口碑。」
黃佩霞於本年四月，曾往美國受訓兩個月，考取瑜伽教練牌，回想起那兩個月的訓練，她說：「真係地獄式訓練，其實我冇諗過要去考教練牌，但想知多啲學生諗嘅嘢，而且如果有學生問我，都可以幫到佢哋，𠵱家我會教幾班，當攞經驗。」
問盧淑儀為何對瑜伽感興趣，她即望着黃佩霞說：「見到佢身材咁弗，我就想學。」她續說：「因為瑜伽可以運用晒成身唔同嘅部位，第一次做時，我個朋友做咗二十分鐘，就有啲暈，但係我點都頂到九十分鐘先肯走，因為我知道做瑜伽要有耐性。」盧淑儀指在三十六度的高溫房內做完熱身，其實已經一身汗，她說：「雖然𠵱家我未做到某啲動作，但做瑜伽時我成個人可以好relax。」
採訪：陳梅香 攝影：林德雄