陳寶蓮自殺身亡後，不少片商有意開拍以陳寶蓮為題材的電影，電影《一代豔星之寶蓮的一生》則搶先飲頭啖湯，找來九九年退選亞姐孫亞莉扮演陳寶蓮，而她為了宣傳新片，早前更為一本成人雜誌拍了一輯模仿陳寶蓮的照片。
聲稱視陳寶蓮為偶像的豔星孫亞莉，在接到電影《一代豔星之寶蓮的一生》劇本後便答應演出，更為可扮演偶像而高興，不過開工後，卻又擔心會撞邪而感到十分惶恐。
孫亞莉早前接受一本成人雜誌訪問時說：「部戲開鏡時有拜過陳寶蓮，開工時希望俾佢上身，可以扮得更似，但到夜晚就好驚，因為照鏡望到嘅唔似自己。」
在戲中，孫亞莉的重頭戲當然是拍攝跳樓自殺的一幕，她說：「拍嗰一幕真係好驚，雖然有做足安全措施，但都驚會整傷自己，果然就跌傷腰骨，好彩現場有個武指識跌打，即刻幫我療傷。」
而孫亞莉覺得最難忘的一場戲是被人迷姦，因為兩個對手都是她不認識的，她說：「因為嗰場戲有好多身體接觸，拍攝時覺得好尷尬，雖然係清場拍，但都覺得唔好意思，因為做呢啲嘢通常只會同自己嘅男朋友做，但同兩個陌生人，重要揸我個胸，拍到真係好似俾人強姦咁，重有咁多工作人員望到實，真係好唔慣。」
孫亞莉表示拍畢《一》片後，有了新的領悟，她說：「我對生死有另一種睇法，之前我冇諗過原來跳樓係咁簡單，生命好容易就可以完結，其實做人應該珍惜生命，好好生活落去先對得住自己。」
採訪：魯萍