好邪！機場管理局向各大傳媒大派豬毛掃，用嚟髹油嗰隻，夾喺份採訪請柬度。公關話係寓意機場接機大堂裝修工程完成，去舊迎新。八方就覺得唔聚財，於是請教女風水師麥玲玲。麥相士話掃帚之類嘅嘢，千祈唔好搵嚟做禮物，皆因象徵霉氣，用嚟擋煞則可，送禮就唔多吉利。
講完八卦嘢，講吓啲正經嘢。話說香港國際機場一年有成三千三百萬位乘客抵達香港，加埋嚟接機嘅，一年有四千萬人使用接機大堂。機管局為咗照顧呢班人嘅需要，畀佢哋等人時或者到埗後休息番陣，於是大事翻新接機大堂，擴充食肆同商店範圍。
𠵱家工程已經完成，所以邀請傳媒喺今個月底採訪一吓大堂新貌嘅揭幕禮。
（圖）機管局將豬毛掃夾喺份採訪請柬。
傳真︰2623-9278
電郵︰