有周刊報道指施念慈上周五與夫婿陳鴻業及港台DJKawaii齊齊往蘭桂坊飯敍，但兩夫妻全程沒有交談，飯後施念慈更撇下老公，與Kawaii往Cclub消遣，報道更指施念慈與夫婿關係應該平平。
施念慈昨日接受本報電話訪問，她對於不停有針對自己婚姻的不利報道感到氣憤。施念慈說：「上個禮拜五，我係同Kawaii、同埋Kawaii嘅朋友一齊食飯，我老公因為有嘢做根本冇去到，咁又何來有冇偈傾呢？跟住去Cclub，我老公反而有同我一齊去，根本啲嘢就調轉晒嚟講。」
施念慈續說：「之前我以為清者自清，亂寫嘅嘢唔使理，但估唔到呢啲報道愈來愈多，所以我覺得有必要澄清，我同老公感情不知幾好。」