【本報訊】波場名媛余安安夫婿李萬祺欠債破產事件轟動上流社會，教人扼腕的不止是這名賽車名將的大起大落，還有二十年好友的反目成仇。「呢啲叫因財失義！」這是債主徐燕屏說的，她指摘李萬祺有嬌妻買貴衫，也不肯還錢給她這個寡婦。李萬祺回應說：「由得佢講啦！」 記者：蔡元貴
身在加拿大的徐燕屏昨日透過長途電話接受記者訪問，她說：「一直以來我都keepquiet（保持緘默），但係佢講到好似我迫佢咁，我好激氣，希望將事件澄清。」徐燕屏可以說是李萬祺的師母，因其已故丈夫魏超能是李萬祺的賽車師傅：「我先生睇住Henry（李的洋名）大，經常陪佢去泰國賽車，充當經理人，為佢安排賽事。」
魏超能九六年肝癌過身，同年年尾，李萬祺邀請徐燕屏入股TopPacificCommunication，徐應允投資一百八十萬元，相當於百分之四十的股份，雙方簽訂了協議書，徐燕屏可以在任何時候退股，如果屆時公司未能退回一百八十萬元，則李萬祺須作最後擔保人。
及至九八年，徐燕屏發現公司的帳目混亂，開始想抽身而退，遂於二○○○年正式退股，並要求李萬祺逐步清還債項：「我只要求佢每個月還兩萬，唔想筆錢就咁冇咗，因為筆錢係我先生留番畀我對仔女讀大學嘅。」
徐燕屏在去年七月移民加拿大，生活緊絀，當時李萬祺尚欠她七十多萬元。徐燕屏要求他每月還二萬元，但未如願，徐燕屏今年三月正式入稟法庭申請李萬祺破產，及至七月，李萬祺還透過律師討價還價。徐燕屏說：「我想社會還我一個公道，我係喺無計可施下先申請佢破產……佢完全唔覺得有歉意，好唔好意思面對我死咗嘅先生呀？」
「每次問佢還錢重慘過問佢借……佢哋個女喺國際學校讀書，余安安買件衫都唔止兩萬啦，佢肯賣緊啲首飾都可以還啦！我唔信佢一個月都還唔到兩萬！佢哋咁恩愛，點解余安安唔可以幫老公一把？」
「呢啲叫因財失義！」魏超能兩夫婦與李萬祺兩夫婦曾是很要好的朋友，余安安生日，四人一同吃飯慶祝，兩對夫婦連拍拖都約在一起：「點知為咗呢啲小小嘅事反面！呢段友情唔要唔緊要，如果借咗人錢唔使還，呢個社會會變咗乜嘢樣？……喺我眼中，佢已經信用破產、無情無義。」
身在上海的李萬祺昨日回覆記者電話，表示會在這兩日內返港，問他會否開記者會向公眾交代事件，他說：「唔會啦！我呢啲小人物，有乜都喺聲明度講晒啦。」對於債主徐燕屏的指摘，他說：「由得佢講啦！呢方面我唔回應嘞，唔想佢一句，我一句，好似罵戰咁。」