英皇3T小花之一的Mandy對收集明信片情有獨鍾，其胞妹曾送她至愛的《天使禁獵區》日本漫畫明信片，不過早前她婆婆執屋時，卻棄掉她珍藏的明信片，嚇得她狂摷垃圾拾回寶貝。
英皇3T小花之一的Mandy（蔣雅文）約一年前迷上收集明信片，至今她珍藏本地、泰國、日本及澳洲等地的明信片，數量已近二百張，而她的十二歲胞妹知道Mandy喜歡看日本漫畫《天使禁獵區》，早前便用零用錢在旺角一間漫畫店購下一套六款的《天使禁獵區》明信片送給胞姊，令Mandy十分感動。
Mandy日前接受訪問時說：「我同妹妹嘅感情好好，佢好錫我，所以佢自己出錢買呢套postcard畀我，真係幾感動㗎。」Mandy又笑說自己曾在垃圾堆中救回心愛的明信片，她說：「我份人比較懶，平日好少執房，我啲postcard係亂咁楔喺書櫃入面，但係我婆婆早排喺上海嚟香港探我哋，佢見我間房咁亂，就幫我執屋。」
Mandy續說：「婆婆重以為啲postcard冇用，掟落垃圾袋，後尾我番屋企知佢揼咗我啲postcard，嚇得我即刻衝出走廊，喺個垃圾袋度摷番出嚟，好彩嗰日啲人未嚟收垃圾，如果唔係，啲postcard都去晒堆填區。」
Mandy喜歡儲明信片，但她卻從不寄明信片給友人，她笑說：「因為寫嘢畀人係私人事，唔想俾人睇到，所以就算真係要寄postcard畀朋友，我都要搵個信封入住。」
採訪：朱芷瑩 攝影：黃文成