香港人每日會死七次？梗係唔係啦，只係因為大家鍾意講「死嘞」、「肥死你」、「食死你」嘅口頭禪，咁每日就梗係「死」咁多次啦！不過，提供善終服務嘅「善寧會」話香港人雖然鍾意講個「死」字，但對死亡就好忌諱，唔多肯講呢個問題，老人家想同個仔講吓身後事，後生嘅態度通常好保守，刻意避談，有事發生就手忙腳亂。
善寧會主席梁智鴻話，呢個保守態度搞到「善終服務會」要改名，因個「終」字唔好聽，結果由資深報人韓中旋，取意北宋理學家張橫渠作品《西銘》嘅內容，意指生存是順天意、死亡是回歸安寧，於是取名「善寧會」，由知名學者饒宗頤教授親題作為Logo，重有好多廣告及設計師義務幫手，實行改一改形象，十一月更會同職訓局搞寧養照顧課程。
（圖）梁智鴻背後的善寧會三個字，乃由前報業猛人韓中旋和知名學者饒宗頤教授改名及親題。
傳真︰2623-9278
電郵︰