關之琳昨日接受商台查小欣主持的《茶煲裏的查篤撑》電話訪問，對於有報道指她將位於港島區渣甸山舊屋放盤，屋內更發現她將男友黃家諾的赤裸上身照隨處丟，為此她感到十分生氣地說：「我有啲嬲㗎，某報話我間屋要賣，但我發覺佢哋撬開咗我道門。其實我交咗鎖匙畀地產公司，但我storeroom（士多房）就鎖咗，因為我有私人嘢喺裏面，但我發覺俾人影晒相。
「嗰個房係我借咗畀Jimmy（黃家諾）擺佢啲雜物，因為佢屋企裝修。咁影完相之後又鎖番道門，其實佢冇撬爛，但就搵咗個專業開鎖人去開。」不過，根據本報了解，有關圖片拍攝者表示拍攝此圖片時，士多房門並沒上鎖。
當問到關之琳有否向地產公司投訴時，她說：「我已經報咗警，我覺得呢啲係小偷嘅所為。所以我報警，我亦已經畀晒口供，我覺得有啲離譜，應該講清楚好啲。」但關之琳男友並沒有因此事而感到不快，反而覺得十分搞笑，她笑說：「佢冇唔開心，不過暈咗喺度啫。佢覺得好好笑，重話『賣樓送裸照』，我哋都笑咗好耐。」