田北俊最近可能會頻食檸檬，因為佢想邀請部份早餐派議員及劉炳章加盟自由黨嘅如意算盤大有機會打唔響。噚日七位早餐派議員同記者茶敍，個個對田少嘅邀請不置可否，但就講到明想保持獨立身份，服務自己嘅選民，又話就算唔係自由黨員，雙方都可以合作愉快，言下之意大家可以細心咀嚼。
早餐派召集人李家祥更加輕鬆，話自己過兩日會同老婆囡囡及梁智鴻等十多位老友遊絲綢之路，玩足十日，十月又會做廿四孝老竇，陪高考攞六A嘅乖女去英國牛津大學準備開學，忙住幫女兒搬宿舍，一於「乖女大過天」，一啲都唔擔心早餐派有變。李家祥又爆料，話梁智鴻細仔都喺英國讀酒店管理，廚藝了得，曾於香港六星級酒店君悅廚房做見習生。
傳真︰2623-9278
電郵︰