中國奇女子陳香梅，最近應《大公報》邀請，將自己的生平編撰成回憶錄，並選擇香港作首個發行地。陳香梅於北京出生，來港讀書，畢業於香港嶺南大學，其後遠赴美國，下嫁飛虎將軍陳納德，活躍於美國政壇。昨日的《陳香梅回憶錄》發行會，有不少政、商界名人包括律政司司長梁愛詩、賭王何鴻燊、全國政協常委徐四民等出席。
八方乘機問賭王幾時會同孫明揚見面傾樓市？佢話地產建設商會十九號請佢食飯。咁有乜議程？「梗係好多嘢傾。」會否要求政府取消居屋？「我哋會傾。」
八方又問佢與香港賽馬會商談的進展如何？何鴻燊答話月中會傾。而香港馬季開鑼，投注額大跌，佢就話「咁就更加唔可以話澳門令到佢跌，我呢次都『冚棚爛』收回成命，唔賴得我啦。」
咁會否傾埋賭波？「會，都會。因為賭波，我有咁多年經驗，馬會唔謀利好難做莊……我哋可以保證佢馬會淨係賺，唔使蝕。」
（圖）《陳香梅回憶錄》發行會上，賭王擁抱陳香梅。程志遠攝
傳真︰2623-9278
電郵︰