張栢芝弟弟張豪龍、張栢文及父親鬍鬚勇和藍潔瑛等，前晚在灣仔出席新片《陰陽路十六之回到武俠時代》的首映。
張豪龍表示自己近日紋身已紋上癮，他說：「除咗背部同肚，我日前又喺右小腿紋咗個骷髏頭圖案，我唔係搵家姐（張栢芝）個師傅，係一個泰國師傅。我紋身都冇同老竇講，至於家姐鍾意紋身就唔係受我影響，我都唔贊成女仔紋身。」
張豪龍又大爆年僅十七歲的弟弟張栢文將會加入娛樂圈。
張栢文說：「我覺得有信心就得，𠵱家我學緊結他同樂器，我都做晒心理準備，預咗有壓力。」
鬍鬚勇的三個子女都先後加入娛樂圈，問他對此有何看法時，鬍鬚勇說：「其實一個入，其他都入。栢文鍾意唱歌多啲。」
此外，藍潔瑛前晚大方任記者拍攝其肚腩，她說：「我呢排拍戲瘦咗，遲啲我會接拍纖體廣告。」
採訪、攝影：汪正文