政壇地區老手郭必錚真係「老貓燒鬚」！噚日有雜誌大字標題，話佢「搭上已婚女助理」，篇報道全程直擊佢同女助理吳玉玲，齊齊喺深夜返咗男方屋企，兩粒鐘之後先離開。
呢單嘢搞到咁大獲，郭必錚、女助理吳玉玲同佢老公莊榮才，噚日三人齊齊澄清。郭必錚直斥篇報道不負責任，話當晚女助理上佢屋企攞嘢，佢其他朋友都會上佢屋企，不足為奇。咁點解逗留咁耐，郭必錚就好似冇答。
至於女事主回應嗰本周刊查問時，其女兒同個周刊記者發生糾纏，重聲稱受傷，𠵱家已經報咗警。但周刊篇報道就話攝記相機俾人推落地下。各有各講。
八方聞說，呢個追蹤計劃只是開始，好似話有其他更出名嘅議員，已成為目標人物。各位，小心啦！
傳真︰2623-9278
電郵︰