公益金執委會副主席陳祖澤前日提及籌款難，八方當時勸佢搵肥仔馬（馬時亨）募捐，原來John陳已搵咗其他人「打心口」。公益金噚日再次推動「賀禮捐公益」活動，請來賭王女兒何超瓊任活動籌委會主席，超瓊即率先請祝賀佢生日嘅好友將賀禮捐畀公益金。同時，海域副主席兼公益金董事許浩明都好慷慨，表示上周剛慶祝十五周年結婚紀念，當場向好友提出，將賀禮全數捐畀公益金。不過，由於班好友自行捐款，目前未知有幾多錢，但八方相信單係賭王畀女兒嘅生日賀禮已價值不菲。
其實，呢個活動去年十一月已開始搞。當時，賭王率先響應，將八十歲壽辰嘅賀禮捐出，二太太藍瓊纓也即席捐出一百萬元，估計該次收到的善款達五百萬元。
（圖）許浩明夫婦（左）結婚十五周年紀念，遇正何超瓊生日，一齊捐出賀禮。旁為陳子政。
傳真︰2623-9278
電郵︰