何志平去完油尖旺又去深水埗區議會，不過深水埗區議員睇嚟有啲無癮。一位地區人士鄭錦鐘向何局長介紹將於十二月喺黃金電腦商場舉辦嘅電腦節，重滿有信心可以順便打擊場內賣翻版、四仔嘅不法之徒，點知何局長一句窒埋去：「人人都知去黃金係買啲乜嘢，打走晒四仔、翻版，重有乜人會去？」
何局長言下之意，係咪反對打擊翻版呢？嗰位鄭先生鍥而不捨，話其實三百幾間商戶中，賣翻版、四仔嘅少過十間。何局長又再窒多句「你咁樂觀？」雖然八方對呢個數字都有啲懷疑，但地區人士有打擊不法活動嘅決心點都係好事，何局長唔使咁直率。
（圖）何志平噚日巡到油尖旺同深水埗。
傳真︰2623-9278
電郵︰