自由黨主席兼行政會議成員田北俊，除喜愛政治，也熱愛賽馬，佢名下隻「醒目武士」贏過四場，累積獎金超過一百八十六萬，田大少一早已歸本。噚日馬會公布，佢又有兩隻新馬命咗名，一隻叫「神速武士」；另一隻叫「聰明武士」，加埋「醒目武士」，合共三駒都係「武士」，又「神速」、又「聰明」又「醒目」，敢作敢為既田大少，係咪讚緊自己呢？
田大少以前有隻「精靈武士」，因健康問題上季退役，照馬會規例可以換一隻自購馬補替，結果佢買咗「神速武士」呢隻英國馬，交畀愛倫訓練。「神速武士」國際評分達102分，喺英國擅長跑短途，贏過兩場表列賽；至於身價係幾多，就不便透露；不過以田大少一向買馬嘅眼光，呢隻馬肯定物超所值。
至於隻「聰明武士」，係澳洲自購新馬，從未出過賽，身價達十二萬澳幣，約五十萬港元，交由大摩訓練，據講血統都幾巴閉，將來必有一番成就。
（圖）醒目武士在六月五日贏木球會錦標，田北俊（左一）及其妻（右二）亦有到場拉頭馬。
傳真︰2623-9278
電郵︰