最近奧迪車廠宣布，將會為旗下TTCoupe及Roadster嘅1.8T前輪驅動型號，增配一套6前速Tiptronic半自動波箱，從而令新車可有更出色嘅性能表現。
在外觀及車廂配搭上，新版TTCoupe及Roadster型號將會與現有型號相近，並無作出太大改動；但新款胎軨配搭、鬼面罩設計，以及內外車身色調配襯等等，都予人有耳目一新之感。然而，無論係Coupe抑或係Roadster型號，都係以一台1.8公升Turbo引擎作動力核心，馬力180ps/5500rpm，扭力24.0kgm/1950-5000rpm，但除原有5前速手波配搭外，新增一套全新6前速Tiptronic半自動波箱，因而令新車有更出色嘅性能表現；難怪新車0至100公里加速度僅為8.4秒（Coupe），而極速更高達226km/h（Coupe）咁快啦。未知香港代理何時會將之引入呢？