賭王何鴻燊千金何超瓊昨日出席公益金活動，適逢是其舊曆生日，年屆四十的她更表示不同意「女人四十爛茶渣」這句話。而當現場的小朋友問她有沒有BB時，她十分尷尬地答沒有。
賭王何鴻燊千金何超瓊（Pansy）昨日往北角香港聾人福利促進會轄下的特殊幼兒中心，出席「賀禮捐公益」記者會。昨日適逢是Pansy的舊曆生日，現場亦有切蛋糕儀式。
昨日記者會上更有一段小插曲，Pansy獲安排與現場的失聰兒童拍照留念，其中一名兒童指着布景板上的BB照片，問Pansy那些照片是甚麼？Pansy回答說是BB，豈料該名兒童即反問Pansy說：「咁你屋企有冇BB呀?」Pansy即尷尬地說沒有。
Pansy表示身為公益金「賀禮捐公益」籌劃委員會主席，在早前其生日會上，她已囑咐各方好友將賀禮折現，全數捐往公益金，Pansy昨日說：「有啲識咗好多年嘅朋友都堅持要送禮物畀我，而我爹哋亦都送咗件飾物畀我，呢份係我四十歲嘅生日禮物，咁有意義，我都唔捨得捐出嚟。」
Pansy踏入四十歲，問她是否認同「女人四十爛茶渣」這句話，她說：「梗係唔係啦，我希望踏入四十歲好耐㗎啦，我覺得𠵱家自己更加有使命感，凡事都會追求穩定，我亦有檢討過，以前太過執着，成日同人比較，𠵱家就會relax啲。」
再問Pansy會否害怕追求者會減少？她說：「感情呢回事係講緣份嘅，同年齡冇關，有啲人到七十歲先至搵到另一半，我話晒都重有三十年去搵呀，我唔會特別期望去組織家庭，因為反而會有壓力。」而前日賭王表示對「西人」做其孫女婿的印象麻麻，Pansy說：「呢方面（指與外國人拍拖）我都唔得呀，不過凡事係冇絕對嘅。」