民政事務局局長何志平噚日巡區巡到油尖旺同深水埗，區議員向何局長由果欄講到掘路，事無大小都捉住機會傾訴一番。不過何局長顯然對自己嘅出生地——油尖旺十分緬懷。例如有區議員講到油麻地戲院修葺問題，何局長即刻加把口，話油麻地戲院以前未播鹹片時自己成日幫襯。咁播咗鹹片之後呢？何局長則笑笑口話：「唔講你知！」
舊年民政事務局前局長林煥光都有出席，發表反種族歧視演說。熱情談話之後，區議會送咗份禮物畀何志平，點知何局長即刻脫口而出，話自己好少打呔，氣氛相當尷尬。皆因何局長做眼科醫生時，打呔易影響手術，久而久之成為「不打呔的男人」。
傳真︰2623-9278
電郵︰