甚麼「會生金蛋的鵝」、「金銀島」之名，喺回歸偉大祖國之後，俱往矣！英國《泰晤士報》有篇煞有介事嘅報道，話昔日喺香港皇庭下叱咤風雲嘅大英御用大律師，九七後都冇啖好食。有乜證據呢？一九八八年，大英御用大律師嚟香港打官司嘅申請有八十一宗，今年至今只得十七宗。
御用大律師MartinWilson對呢個情況表示「非常遺憾」，佢聽過有人用「金銀島」嚟形容香港，因為倫敦嘅收費比香港低，嚟香港打案可以賺大錢；但今時唔同往日，阻力之一係香港大律師公會。
不過，大律師公會主席梁家傑否認佢哋抗拒海外同儕，話真正嘅原因係大英QC收得貴，而且本地大狀識中文，較為合本地訟訴人嘅需要。前主席湯家驊就話好懷念英倫QC，重形容佢哋已經成為特區嘅瀕危品種。
傳真︰2623-9278
電郵︰