怪事！怪事！辰達永安（1189）主席大陳兄，近排周不時披露減持股份，重係以億股計咁減持，雖然股價無可避免受到影響，但怪就怪在咁大手貨都能夠在市場消化晒。
經紀陳話，買家應該係辰達永安新主人查理士．陳嘅捧場客，之前佢哋高價沽出獲利，家陣趁低收貨。當然亦唔排除係特登壓價收貨，所以先至出現有幾多接幾多嘅情況。若情況繼續落去，睇嚟大陳好快就會淡出辰達永安。
辰達永安股價噚日繼續在低位徘徊，但就冇再跌，平收2.5仙。
小初其實好想知，既然有人收緊貨，又是否意味稍後收集完成會有炒作呢？經紀陳話，佢就覺得未必，皆因人哋一早已經賺夠，目前只係趁低收返齊啲貨，至於炒唔炒作，真係要稍後先至知，況且家陣炒上，都唔見得可以散到貨。
家陣流行併股，辰達永安發行股數咁多，如果突然大併股，到時真係可能走唔切。
慕容小初