飲食潮流向來主張多元化，好似油麻地開張不久的咖喱吧吧，餐廳以咖喱作主打，但餐牌上就有齊台式、印式、馬來西亞、港式、泰式、日式……一到晚上又變身為酒吧，集合多國美食於一身，一次過滿足晒不同人的要求。
記者：黃婉冰
攝影：陳穎
店名：咖喱吧吧
電話：23001510
地址：油麻地偉晴街18號地下
咖喱羊肉$32（中）
咖喱炒飯$30（下）
咖喱作主打，各式咖喱當然少不得，由大廚調配過的咖喱，味道較特別，沒有印式的香草味，令人較易接受，用來做海鮮炒飯，少少辣，充滿咖喱香。同一種咖喱用來做羊肉一樣得，加埋馬來西亞薄餅，蘸汁食，連汁都唔放過。
老夫子$25（上）
避風塘炒蟹夠惹味，越南軟殼夠肉地，兩者結合，比傳統避風塘炒蟹更受歡迎，用大量蒜片、椒絲、茄子同炒，唔使剝殼，食得自在。老夫子外表平凡，但味道複雜，皆因成份有士多啤梨、香蕉、青檸汁、雪碧同糖水，夠晒味道。
哈利波特$25（上）
用香草、檸檬汁醃過的三文魚頭，邊燒邊一層一層塗上由大廚自家調校的蒙古醬，燒時醬汁的香辣味慢慢滲入，同時亦可辟去魚腥，佐酒最佳，不好酒，不妨叫杯用菠蘿汁、雪碧、糖水溝成的哈利波特。