陳奕迅自與鍾欣桐（阿嬌）合拍《賤精先生》後，大讚對方眼神靚，不過一笑就慘。當提到霆鋒有女友時，陳奕迅表示自己身為老婆竟不知情，要罰霆鋒不准休息。
陳奕迅（Eason）、鍾欣桐及李彩樺前晚到尖沙嘴出席新片《賤精先生》首映，Twins的蔡卓妍（阿Sa）及英皇3T成員Maggie及Mandy亦有捧場。Eason自與阿嬌合作此片之後，大讚對方眼神迷人，有潛質當冷面笑匠。
前晚當眾星大合照時，主持問Eason對阿嬌印象如何，Eason說：「佢眼神好靚，不過一笑就慘，佢性格內斂，人哋講嘢慢半拍，佢就慢拍半，個人都幾好笑，咁先可以做冷面笑匠㗎。」問Eason大讚阿嬌怕不怕女友徐濠縈呷醋，他說：「我講事實，佢的確好靚嘛。」至於阿Sa，Eason說：「佢活潑外向囉。」
阿嬌得悉Eason指她是「冷面笑匠」後說：「我唔想笑嘛，熟咗先會多嘢講，我個人慢熱，喺戲中個角色講嘢好爽朗，我都要講番快啲。」有指Eason與阿嬌在戲中有場熱吻戲，阿嬌害羞說：「冇呀，你睇吓咪知囉。」
另外，Eason提到好友謝霆鋒被阿媽踢爆現有女友，Eason說：「佢拍拖我真係唔知，我唔係佢老友，我係佢老婆，佢連老婆都唔講，我就罰佢唔准休息要返工啦。」
前晚往看首映的阿Sa，在戲院小賣部買朱古力雪糕，還主動請阿嬌一起分享，但阿嬌以怕肥為由婉拒，但後來其經理人霍紋希買一個大熱狗給阿嬌吃，她則相當受落，帶入場邊看戲邊品嘗。
至於另一主角李彩樺前晚穿着類似日本服飾的長裙亮相，她表示在戲中角色大癲大肺，故做了數套誇張服飾作戲服，她覺得很好看故特地穿着來看首映。 採訪：魯萍
攝影：陳慧安