呢排有睇電視嘅話，都會留意到最新嘅警察招募短片，短片以「終身承諾、忠誠、無懼……決心使香港成為最安全的城市」為宣傳口號，呢個宣傳短片其實係將警隊舊年動用一千萬元去製作嘅豪裝電視宣傳招募短片，重新包裝輯錄而成。八方記得舊年睇呢個宣傳片「專業篇」嘅時候，以為睇緊成龍拍嘅警匪片，好多人都讚可以攞獎，結果呢個「專業篇」電視短片真係喺今年紐約節（一項表揚電視及廣播製作的頒獎禮）中獲得金獎。
所謂「一不離二」，舊年滅罪電視宣傳短片「扯線公仔」喺紐約舉行嘅QuestarAward同埋第十五屆MercuryAwards中奪得銀獎，而電視宣傳片「防止電腦罪行」喺QuestarAward中獲金獎。香港警隊嘅專業水準一直獲得世界認同，𠵱家連條宣傳片亦得到國際認同，香港警隊果然厲害！
（圖）警隊「專業篇」宣傳片
傳真︰2623-9278
電郵︰