讀者Ronnie問：
本人之座駕為上一代嘅奧迪A4，當車速維持在70km/h並行車約十分鐘後，水箱溫度就會飆升至約95至100度，而本人亦曾替座駕更換過水箱，但問題依然存在；不過冬天時水箱溫度卻正常，請問我應該點做呢？另外又係咪應該更換水膽呢？
Ronnie：水箱溫度會直接影響行車時嘅耗油量及輸出，因為當引擎中缸過熱，電油嘅噴注量會較多，以幫助冷卻中缸，而點火時間亦會延遲，所以引擎會變得無力；水溫過高係歐洲車嘅普遍現象，由於歐洲車嘅引擎室鋪排較密，而中缸嘅用料亦較厚，所以相對地水溫會高些少。若想改善呢個情況，其實可以更換較大嘅水箱，另外可換上一種高壓水泵，目的係將引擎內嘅水量流動增大，加快散熱效能，無論行駛或停車時都有唔錯嘅效果；而咁做比換水膽來得實際，因引擎要在工作溫度才可正常運作，唔合規格嘅水膽往往會令引擎溫度過低，兼可能令中缸損毀㖭。
如果大家對汽車有任何問題，可傳真至27420542，或郵寄至香港將軍澳工業邨西駿盈街八號，《蘋果日報》副刊「車天車地」版「汽車Q&A」收，我哋會盡快為你解答。