政府前排喺黃金海岸搞咗一次集思會，未見有乜成效，又搞一次，而且重喺立法會復會前進行，唔知今次係咪統一戰線，對付立法會呢？
今次集思會本來應該保密，費事再有記者「阻住晒」。但田北俊噚日接受訪問時，就無意間爆出嚟。佢話政府等唔切下次「集思會」，所以才……行家們忙問田少詳情，使唔使過夜、係咪黃金海岸？田少發現情勢不妙，即刻非常小心，拒答有關提問，重話自己唔應亂講。唯一嘅貼士，就係個集思會於立法會復會前舉行，佢亦會趕及出席。
八方打聽到，呢個會目的係要加強團隊意識、形成共同思維方向。咁又難怪，董班子成日俾人話一盤散沙，所以要搞好個teambuilding。
傳真︰2623-9278
電郵︰