董建華新班子新作風，特別係安排咗林煥光（圖）做特首辦主任，加強其核心領導能力。WK為人較溫和，各方均能接受。
八方聽聞，佢老哥一上場，就為自己嘅工作定調，表示要做好三個「P」，即係Policy、Politics同埋PublicRelations。
呢三瓣嘢其實就係董伯伯要搞好嘅三大範疇，林兄當然知輕重，所以一開波就同班拍檔講清楚，佢會專注搞頭兩瓣嘅工作，即係搞掂啲政策同政治，公關部份就委託政府新聞處班手足睇住。
其實咁嘅分工也相當合理，須知新聞處人才眾多，而且全部係專業人士，經驗豐富，雖然服侍問責制屬新生事物，佢哋都要時間適應。唔怪得特首辦特別安排咗個房畀蔡處長歇下腳，放吓手袋。
傳真︰2623-9278
電郵︰