自從福特代理將Showroom搬遷至香港嘅灣仔區後，好多人都想知昔日嘅柯士甸道汽車街，會否因車行數量減少而式微。但實情卻兩樣，皆因近年響水貨車行中不斷上位嘅人頭馬車行，自從響灣仔告士打道多開兩間Showroom之後，更大事擴充後勤嘅維修部，實行企業化經營；而早前佢哋重接手咗福特原有柯士甸道嘅Showroom，實行要跟一眾代理車行看齊，唔再係一般以游牧形式出現嘅水貨車行本色咁話。聽聞佢哋為要慶祝下周二嘅正式開張，重會引入多款車迷關注嘅新車到港，以助聲勢咁話，當中包括有日產FairladyZ、豐田跟GM合作嘅Voltz同Smart㖭！睇嚟又豈止係水貨車行咁簡單呢！