薛家燕（好姨）的長女石祐珊，現年十七歲，已長得亭亭玉立，甚有條件做娛樂圈生力軍，早前更有電影公司邀請她拍戲，可惜石祐珊已決定本月中負笈美國，婉拒了對方的好意。好姨表示，女兒還是比較喜歡參與幕後工作。
薛家燕與長女石祐珊、羅家英及陳寶珠兒子楊天經，前晚在尖沙嘴奇峰婚紗店，為新城娛樂台的廣播劇《家有本難念的經》拍攝海報。
好姨的長女石祐珊現年十七歲，本月中便要到美國升讀大學，近日她為爭取多點社會經驗，在母親的安排下到新城娛樂台做暑期工。石祐珊前晚便與好姨為廣播劇穿上婚紗，好姨扮新娘，而石祐珊則扮伴娘，只見她穿上低胸伴娘裙，嬌俏可人。
石祐珊表示，平時喜歡穿着保守的衣服，所以前晚她因為工作需要而作性感打扮，難免會感到不自然。石祐珊說：「我都唔習慣，但媽咪話件衫都OK，不過我都有啲唔自然。」
石祐珊自爆曾被男同學追求，對方送她回家時，更欲送上goodbyekiss，不過石祐珊說：「我見佢嚟goodbyekiss，我即時推開佢，但事後問番朋友同媽咪，佢哋都話好平常。」
據悉，早前已有電影公司邀請石祐珊拍戲，可是她並未有答應，好姨說：「囡囡自己推咗人，佢話已經決定去美國讀書，而且佢有興趣做幕後嘢多啲。既然佢咁有興趣，我都畀佢選讀傳理系，等佢學多啲呢方面嘅知識。」
此外，好姨前晚跟羅家英扮演一對新人，問好姨事前可有知會羅家英的女友汪明荃時，她說：「我冇同佢通過電話，其實我啲仔女都好鼓勵我再婚。」羅家英則鬼馬的說：「我第一次扮新郎，咪激吓佢囉，等佢呷醋，或者有結婚衝動，當做好事。不過𠵱家我都冇乜嘢衝動要結婚。」