《蘋果》早輪報道過名作家蔡瀾同李敏老翻流入公共圖書館，康樂及文化事務署有可能衰侵知產權，一向我行我素嘅蔡瀾初時話唔打算追究，但係件事最近峯迴路轉。蔡瀾近日喺佢嘅專欄裏面話，有律師畀意見佢，話呢單嘢實告得入，輸咗唔使畀錢，搞到佢躍躍欲試。
八方搵蔡瀾問清楚，佢好認真咁話真係同律師研究緊，詳情唔方便咁早公開。康文署就一句講晒：「Nocomment（不予置評）！」
八方收到風，海關曾經接觸過康文署了解內情。不過咁，海關做乜都冇用，皆因幫康文署買老翻書嘅供應商，聽講已經執鬼埋，唔通叫海關去告罪魁禍首、冇盡管理同監察責任嘅康文署咩！
傳真︰2623-9278
電郵︰