【本報訊】經濟低迷，加上盜版猖獗，本港今年暑假電影票房跌至十年來的歷史新低，七月份首五齣最賣座電影雖然有多齣西片壓陣，但票房仍較去年同期下跌四成半，只有約七千萬元收益。為了挽救慘淡的戲院巿道，香港戲院商會決定「蝕住嚟做」，由今日起推出超優惠票價行動，每逢星期二、三，全日票價一律二十五元，為期八周，目前有五十一間戲院響應，除了部份西片外，本月內新上畫的電影也有票價優惠。
香港戲院商會現共有六十三間會員戲院，參與這次減價行動的戲院約佔了全港戲院總數九成三，包括百老匯院線、娛藝院線（UA）、嘉禾院線、洲立院線等。
該商會理事長黃韋琪說：「除咗AMC院線同埋幾間專播色情電影嘅戲院無參加今次優惠行動外，差唔多全港戲院都響應，AMC唔參加我諗係商業決定，至於播色情電影嘅戲院係一張票一日任睇，機制唔同。」
黃韋琪又稱，今年一至八月的票房收入只有六億五千七百萬元，比去年同期的七億五千三百萬元下跌了約一成三，而六、七、八月的暑假黃金檔期票房收入更較去年同期急跌近四成。她說：「票房咁差主要係因為電影質素唔夠舊年好，今年吸引到人嘅港產片得《我左眼見到鬼》收得好啲，有千幾萬票房，遠低於舊年嘅《少林足球》，雖然今年有多部西片壓陣，但全部雷聲大雨點小，經濟唔好，盜版猖獗，票房跌至十年新低。」
她強調，這次減價可說是「蝕住嚟做」，目標是希望將周二、三的票房收入催谷至比去年同期多一倍的增長，優惠為期八周，看看能否刺激巿民入場睇戲，才決定下一步行動。
代表銀都機構的香港戲院商會副理事長崔顯威表示，近年戲院業經營狀況日益困難，租金多因簽了長租約而不獲減租。