走水貨「直角V」手袋搞到內訌，重要禁錮追數上埋新聞頭版，呢舖都可謂水貨界代表作。
好多人問乜走水貨袋真係咁好搵？一於向裏原宿叔父袁人祥請教，袁人祥滔滔不絕講水貨袋：「走直角V水貨梗係好賺，話你知，法國同香港已有兩成差價，再計埋退稅十零個巴仙，如果以佢哋嗰筆八十萬嘅袋數計，一舖可以輕易執二十零萬，今時今日咁嘅經濟環境算唔錯。
「好多水貨舖都唔會夾份，最好以家族式經營，朋友檔做生意好易因財失義，話晒走水貨都係偏財，好容易反目成仇。」
袁人祥對走水貨充滿經驗，難怪有水貨教父之稱。雖然佢只走日本水，但都靠法國水作幫補，每次過日本就帶兩三個喺香港買嘅直角V手袋過去，到「買取」店（即潮流當舖）套現，就可賺到張機票錢。
「好多人以為走日本水貨易做，其實係逐蚊咁慳番嚟。」袁人祥呼出水貨煙圈，非常感性。
主持人：大食Jack
八卦熱報：