花竹蝦係中型蝦，大隻起嚟都有成五、六吋長。呢排都有比較多嘅花竹蝦，但𠵱家未算最當造嘅時間，所以唔係咁大隻，約係三、四吋長左右，但細竹蝦計落價錢會比大隻嘅平。大竹蝦分分鐘都要近百蚊一斤，而且可能係冰鮮較多。但𠵱家嘅細竹蝦賣七十幾蚊，而且是游水生猛貨色。不過細隻嘅始終唔及大隻爽，用嚟白灼好食啲。