公益金昨日舉行商業及僱員募捐計劃頒獎禮，邀得仙股風波主角之一、財經事務及庫務局局長馬時亨﹙圖右﹚擔任頒獎嘉賓，八方也去湊熱鬧。
面對經濟困境，公益金亦成為受害者。執委會副主席陳祖澤對八方話，由於善款減少，上年度要動用二千多萬元儲備，故今年要與會員機構傾善款調整分配問題，暫定今年分派的總額不變，都是一億八千萬元。既然莫財，咁點搞呢？八方建議公益金大可向肥仔馬伸手。點解？雖然仙股風波搞到佢一身蟻，但離開電盈去做官，為佢帶來一筆意外之財。事關馬仔兩月前加入政府，被迫要盡沽手持的七百七十多萬股電盈股份，當時股價一點八四元，昨日電盈創新低，收一點三三元，肥仔馬帳面賺四百萬。若佢仍在電盈，肯定唔沽得貨。既然是意外之財，應諗諗捐的畀公益金。
傳真︰2623-9278
電郵︰