萬事得自Mazda6推出以來，外界評價甚高，兼且重畀到人有新體驗；而早前經已正式面世嘅第三代CityRV的Demio，據聞香港代理會安排本地傳媒，前赴日本作實地測試咁話，若然無估計錯誤的話，相信新車有望響9月下旬登陸香港㖭！之不過，聽講新車為要統一稱號緣故，唔會再用Demio嘅名字，而係叫Mazda2咁話，予人有順口又易記嘅好處嘛！亞Mark所知全新Mazda2雖然系出日本車廠，惟全新底盤結構卻出於歐洲血統，有出眾嘅操控性之餘，賣相同設備重予人有一新耳目之感㗎！據知遲吓率先抵港嘅新車，會以一台1.3公升新偈作主打，惟附有軟篷頂嘅Cozy型號，有可能要遲到明年方有機會引入；至於唔少人關心嘅車價問題，相信新款Mazda2開價會在9萬元上落，有心嘅Fans就要拭目以待喇！