由古天樂（古仔）、應采兒主演及馬楚成執導的《靚仔冇本心》，上周四在北京天壇開鏡，當日除兩位主角出席拜神儀式外，馬楚成還特別請來幾位模特兒客串演出。
在片中飾演一名患有失憶症靚仔的古仔，每次與一名女孩子發展完一段感情後，就會忘記對方。而古仔本與應采兒是情侶關係，但因失憶症的關係，兩人相見卻形同陌路。
古仔日前說：「次次去到北京都係拍古裝片，今次可以拍時裝片，當然舒服好多，我喺部戲入面係做花心大少，相信對我嚟講唔會有乜嘢難度。我喺北京除了拍呢部戲外，又出席咗《絕世好B》北京首映禮，重順道同啲Fans見面，真係諗唔到當地啲Fans都幾熱情。」