每年的暑假尾、開學頭，都係學生客出電腦嘅旺季，而且佢哋好多時會順手申請埋寬頻上網。邊個寬頻網絡商最好？準則實在好難界定，其實最保險嘅做法，莫如問吓實際用戶嘅上網心得，或者可以幫到大家作出正確嘅選擇。
記者：朱崇德
攝影：陳偉強、朱崇德
ImageGirl:CoCo鳴謝：恒昌電子有限公司
網絡穩定取勝
Case1：Sam
網上行$328/200小時(2人共用)
從事IT工作嘅Sam，已經有多年上網經驗，最近為咗上網系統嘅穩定性，轉用咗網上行寬頻網絡。「自使用了網上行以後，感覺無論上香港或外國的網站，都快了很多，這可能是它的直駁專線容量夠高所致吧！（香港2,155M，海外1,220M）」價錢夠平亦是SAM考慮重點，現在他聯同家人使用了一人一寬頻(2人)計劃，「維起條數每人都只是百餘元，如果個人申請一定冇咁平。」每人都有自己的電郵，現在申請還有CREATIVEMP3機作贈品，感覺特別抵！
Case2：阿薇
網上行$248特定時段無限上網
還是學生的亞薇，都話為咗上網嘅穩定性選用網上行；她所使用的是「週末寬樂時段計劃」，基本月費$248，就可以享用星期一至五上午10時至晚上10時；星期六、日及公眾假期全日無限上網，對於一般上網唔玩得夜嘅學生至啱。
查詢電話：28881888
強勢售後服務
Case3：Anna
So-net$278（無限上網）
So-net可算近年上位極快的網絡商之一，申請寬頻送PS2優惠計劃，相信大家還記憶猶新吧！最近佢又有一個成功申請So-net1.5M盡享服務計劃，即送最新款SonyEricssonT200手機。使用這個月費計劃的Anna認為：「$278?無限上網(合約期15個月)的確是一個幾吸引的價錢，而且又無時段限制，玩得會盡情啲！」So-net的良好售後服務，亦是Anna考慮的因素，「24小時客戶服務熱線必定有人接聽！」相信不是所有寬頻網絡可以做到！
如果大家唔要手機贈送優惠，So-net最近還推出了一個更實惠的1.5MDIY盡享+雜誌贈閱計劃，月費$188（合約期15個月）就可以玩盡無限上網，價錢重抵！
查詢電話：29273888
商業寬頻質素玩入屋
Case4：Tommy
一寬頻$98（無限上網）
一寬頻對好多家庭用家來說，是一個比較新的名字，其實佢一直做開商業及酒店寬頻服務，住宅寬頻亦有提供。從事IT行業的Tommy，就是看準了一寬頻的公司背景，最近申請了它的服務；第一個感到月費非常平，申請了它的1.5M無限上網（客戶自行安裝）計劃，首1-6個月月費為$98，之後的7-12個月月費為$188，當真平得緊要；由於有商業寬頻服務經驗，網絡的穩定性和服務質素，都非常有水準！更重要是電子郵箱竟然有4個，免費儲存量更高達20MB，愛玩數碼攝影而又經常接收相片電郵的人士就至啱！
查詢電話：21190111
青衣區勁好收
Case5：Christy/Katie
i-CABLE$168（無限上網）
儘管好多人對i-CABLE的寬頻網絡表示懷疑的態度，不過筆者在街訪中的Christy同Katie，都不約而同表示網絡上載及下載速度非常高！她們都有玩ICQ及下載MP3音樂的習慣，整體感覺尚算順暢，「試過下載一首4MB容量的MP3音樂，速度竟然快至不需要一分鐘！」而且月費計劃又平，平均每月$168（合約期18個月），就可以享有8MB無限上網的優惠！對於好多學生客來說，的確是可以負擔。原來Christy同Katie有一個共通點，就是她們都是身居青衣區；網絡的質素好多時都會有地區性的影響，所以有時多問附近鄰居的上網情況，可以有助你揀選最好的網絡商。
查詢電話：21128888
逐鐘計彈性收費
Case6：Mavis
香港寬頻$48（每小時$4）
如果上網時間唔多的人，香港寬頻最新推出的$48「彈性服務計劃」，的確是一個非常吸引的寬頻服務；好似大學生的Mavis，就非常喜歡這個月費計劃，「平時大學內都有得上網，在家上網的時間實在有限，用幾多計幾多，真係可以慳到錢。」基本月費只是$48，以後每小時的上網收費為$4，而且這個計劃還設有$218收費上限，唔驚一時上網過多，失晒預算。而且網絡質素表現都算中規中矩，上載下載速度都可以接受！
查詢電話：31455500
大送互聯網漫遊服務
Case7：Carrie
和記環球電訊$195（無限上網）
對於和記環球電訊，可能大家唔係太熟悉，主要原因是它的覆蓋地區不夠廣。身居灣仔區的Carrie，最近成功申請了和記環球電訊的「個人用戶計劃」，月費$195（合約期12個月），就可以擁有一個容量特大的10MB電郵服務和無限上網優惠；再加上安裝費及網絡卡費用全免，而且新上客戶還贈送埋互聯網漫遊服務，經常有需要出外公幹人士最啱。
查詢電話：1222